Minggu, 20 Januari 2013
Selasa, 25 Desember 2012
Babad Pasek Gelgel Pegatepan (pasek Bendesa Tulikup )
"OM AWIGNAM ASTU NAMO CIDDHYAM"
Ithi Babad parati satanan Pasek Gelgel Pegatepan maring Banjar kangin,Desa Ungasan,Kuta Selatan,Badung.mawit saking parati santanan Pasek Gelgel Pegatepan utawi parati santanan Pasek Bendesa Tulikup,marig Banjar Lebahan,Desa Tulikup,putran ira Gde Manik Mas.
Ne nguni mawit saking parati santanan Pangeran Manik Mas,Pitran ira Ki Gde Bendesa Gelgel,mula mawit saking parati santanan ira I Gusti Pasek Gelgel Pegatepan,maring Banjar Pegatepan,Desa Gelgel,jagat klungkung.
sekadi sane sampun kebawos ring ajeng,ne mangkin mewali ceritayang tityang I Gusti Pasek Gelgel Pegatepan,ne alungguh ring Banjar Pegatepan,Desa Gelgel,Klungkung,alawas lawas meputra solas(11)diri makesami lanang lanang.sowang sowang angalih genah lungguh ring desa para desa,lwirnya;Ki pasek Gelgel kapertama magingsir nyujur bumi Nusa Penida,kaping Rwa mapuspatha Ki Gde Bendesa Gelgel,kari alungguh ring Banjar Pegatepan,Desa Gelgel,kaping tiga anama Pasek Gelgel Manik Mas,kari alungguh ring Banjar Pegatepan,kaping catur anama Ki Pasek Gelgel,magingsir nyujur Desa Depaha,Buleleng,kaping panca alungguh ring Desa Bebetin,Buleleng,kaping sad ring Desa Gobleg,Buleleng,kaping pitu ring Desa Ababi,Karangasem,kaping kutus ring Desa Muntig,Karangasem,kaping sya nyujur Desa Tista,Karangasem,kaping dasa ring Banjar Batu Dawa,Desa Kubu,Karangasem,mwah Ki Pasek Gelgel Pegatepan ne pinih alit megingsir ring Banjar Tulamben,Desa Kubu,Karangasem,,,samangkana kahanan Ki Pasek Gelgel Pegatepan apasanakan solas diri inucap,sami padha ngangken tos-tosning Pasek Gelgel Pegatepan,heneng ikang kata.
selanturnyane bawosangtityang malih putran ira kaping kalih sane mapuspatha,Ki Pasek Bendesa Gelgel,sane malinggih ringBanjar Pegatepan,Desa Gelgel,Klungkung,riwekasan sira maputra kalih diri lanang lanang,lwire;kapertama mapuspatha Pasek Pangeran Gelgel Manik Mas,miwah sane kaping kalihPangeran Manik Mas,Riwekasan Pangeran Manik Mas Maputra kalih diri,lwire;Gde Manik Mas miwah Gde Pasar Badung,selanturnyane Gde Manik Mas maputra catur diri,minekadi;Pasek Bendesa Batantingkih ring Kesian,ping rwa Pasek Bendesa Tulikup,ping tiga Bandesa BlahBatuh,kaping untat Bandesa Guwang.
Kacerita sira Pasek Bendesa Tulikup,malinggih ring Banjar Lebahan,Desa Tulikup,Gianyar,yan pire sampun suwene jenek ring Desa Tulikup,sira Pasek Gelgel Pegatepan utawi Pasek Bendesa Tulikup,raris maputra panca(5) lwire;Wayan Pasek Gelgel malinggih ring Desa Gelgel,Klungkung,Made Pasek Gelgel malinggih ring Banjar Lebahan,Desa Tulikup,Gianyar,Nyoman Pasek Gelgel Ring Desa Bitra,Gianyar,Ketut Pasek Gelgel malinggih ring Desa Busung Biyu,Buleleng,maka miwah sane paling alit sira Wayan Pasek Gelgel malinggih ring Banjar Kangin,Desa ungasan,Kuta Selatan,Badung.
Yan pire sampun suwene Wayan pasek Gelgel malinggih ring Banjar Kangin,Desa Ungasan,irika raris nurunang parati santana wenten limang (5)wayah utawi kebawos (5) paijasan,lwire;Paijasan Pangulapan,Paijasan Melang,Paijasan Celagi Basur,Paijasan Jimbaran,miwah Paijasan Kedonganan,paijasan Jimbaran maka miwah Paijasan Kedonganan,sampun suwe pisan nenten naenin malih pedek tangkil,ngaturang sembah pangubakti ring Ida Hyang Kamimitan ring Mrajan Pasek Gelgel Pegatepan,maring Banjar Kangin Desa Ungasan,Kuta Selatan,Badung.kadi asapunika katatwan kawentenan parati santanan Pasek Gelgel Pegatepan,ring Banjar Kangin Desa Ungasan,ne nguni ngawit saking katurunan Pasek Bendesa Tulikup,sane Pecak wantah putran ira Gde Manik Mas,sane mula tos-tosning warih I Gusti Pasek Gelgel Pagatepan,maring Banjar Pegatepan,Desa Gelgel,Klungkung.
Satereh parati santanan Pasek Gelgel Pegatepan,ring Banjar Kangin,Desa Ungasan,tur ring dije ja maka sami magenah patut ngaturang sembah pangubakti manyungsung mrajan Paibon,miwah Mrajan Panti Pasek Gelgel Pegatepan,maring Banjar KanginDesa Ungasan,pujawali nemonin rahina Budha,Wage,kelawu,Mrajan Dadya Pasek Gelgel Pegatepan utawi Dadya Pasek Bendesa Tulikup,maring Banjar Lebahan,Desa Tulikup,Gianyar nemonin rahina,Anggara,Kliwon,Julungwangi,Dadya agung pasek Gelgel Pegatepan,ring Banjar Pegatepan,Desa Gelgel,Klungkung,nemonin rahina Saniscara,Kliwon,wuku Wayang,talr patut eling manyungsung Ida Batara Kawitan,Maha Gotra Pasek Sanak Sapta Rsi,ring catur parahyangan,lwire;Pura Lempuyang Madya,genah ngastawa Ida Bhatara Mpu Gni Jaya,pura Catur Lawa Ratu Pasek,ring Besakih,genah ngastawa Ida Bhatara Kawitan Mpu Sumeru,miwah Sang Sapta Rsi,Pura Ratu Pasek Dasar Bhuana,ring Gelgel genah ngastawa Ida Bhatara Kawitan Mpu Ghana,maka miwah Pura Cilayukti,ring Desa Padangbai,genah ngastawa Ida Bhatara Kawitan Mpu Kuturan.
Kirang langkung antuk tityang nyurat utawi ngunggahang tityang nunas sinampura,,,
"OM CHANTI,CHANTI,CHANTI,OM"
Langganan:
Postingan (Atom)